Menu Content/Inhalt
En ondas - JP Darrigrand Argentina e Chile

Dens En Ondas los dimèrcs 14, 21 e 28 de mai 21h e los dimenges (redifusions) 18, 25 de mai e 01 de junh 11h, l'entervista de Joan Pèir Darrigrand au parat d'un viatge en Argentina e Chile a l'ivèrn de 2008.

Los encontres, los paisatges (L'isla de Chiloe), los recèrcs de monde, las suspresas : ua relacion de viatge tota d'umanitat prestida. Ua emission de Domenja Lekuona.

Image
 
MAI DE '68
Dens 'Matiadas' cada matin a 8:15 e 9:30, MAI DE '68, ua emission produsida per David Grosclaude dab testimoniatges cuelhuts en 1988.
Tà anar per delà l'imatgeria parisenca : Mai de '68.
Realizacion Dominique O'Baya.
Image
 
2007 contribucion Ràdio país a l'A. G. SNRL
LO SNRL QU'A PRES POSICION TA LAS LENGAS DE FRANÇA, mercés a d'eth

Totun que ns'estonam que lo SNRL non preconizi pas ua ratificacion en l'estat er l'Estat francés de la Carta europea de las lengas ditas regionaus.

Las mesuras qui la carta preconiza que son las d'ua politica lingüistica a minima.

Ua politica lingüistica digna deu nom qu'ei per exemple dens la Generalitat de Catalunya que la cau cercar, hens laquau despuish 2006 e per l'article 6 de la lei d'autonomia, l'Occitan - qui parlat sus ua sola vath pirenenca per 6000 personas - ei lenga cò oficiau sus l'ensemble deu territòri catalan.
Léger la seguida...
 
Seguida...

Infò braca

La SACEM e las ràdios libras
SACEM E RÀDIOS LIBRAS EN LENGAS DE FRANÇA
A perpaus deu calcul de las assietas SACEM & SPRE en favor de las ràdios libras qui difusan musica e cançons de creacion o de tradicion en las lengas de França.
M. F. Viadère, delegat sacem sus Pau que ns'a delarat com negociavam en seteme de 2007 que :
1- la sacem que distribuaré mei que non percev de las ràdios libras aus autors/compositors
2- la casa RLP (Ràdio locau privada - tan baisha que n'ei ridicule de costuma) suus huelhets de reparticion non correspon pas a d'arren e en tots los cas pas a la realitat de las somas barrejadas per manca d'administratius (e de volontat...?) en carga d'aqueste tribalh. Uei-lo-dia las ràdios que son au forfèit.
Question : quin los artistas creators e pòden dens la situacion actuau rendé's compte e estar conscients de l'impacte e de l'interès de la lor difusion sus las ràdios libras ? E en consequéncia quin las pòden préner au seriós ?  Quan sovent las ràdios libras e hèn aperet a d'eths ?
Ua accion que seré de miar tà trobar un aficatge mei bon deu tribalh de las RLP suus huelhets. Ua contradiccion i ei enter lo devís qui consisteish a díser que la SACEM que barreja hèra mei que non percev de las RLP e las somas quasi inexistentas de las RLP suus quites huelhets - perqué ageish atau la sacem lavetz ? Que caleré obtiéner un aficatge juste de la situation. E qu'arren non sia dit o hèit en l'arrea de las RLP.
D'auta part que caleré obtiéner la definicion d'ua sieta minorada per critèris divèrs e objectius relhevant de la difusion de musicas de creacion o de tradicion (qui majament en generau ne son  pas sosmetudas a drets) en las langas de França (tà nosauts en occitan) ? Critèris qui poderén estar : estatuts, engatjament argumentat sus la filosofia deu servici, utilizacion d'ua o de mantuas lengas de França, afiliacion a federacions culturaus de lasditas lengas, produccion d'ua lista de tròçs en lengas de França jogats sus ua setmana tèst dens l'annada per exemple.

 

Notícias de País