Pr'amor la tempèsta de la nueit deu 23 e deu 24 de genèr, la difusion FM interrompuda qu'ei estada restablida lo dimars 

27 de genèr a l'emetedor màger d'Aubertin.

© D. Lekuona

Que ns'èm apercebuts apuish quauques maquinas

qu'avèvan sofèrt au noste emetedor màger d'Aubertin notaument
lo heish qui copa regularament.

D'on los problèmas actuaus de difusion en Bearn.

De mei en ac tot verificar (e arron las plojas hòrtas d'aquestes

darrèrs temps) qu'avem constatat lo pilòne qu'ei estat plegat e qu'ei de cambiar.

L'antena de Ràdio País en Bigòrra qu'ei per tèrra

e tot lo materiau electric qu'a cramat.

© C. Dubertrand

Quate deus cinc emetedors de Ràdio País non foncionan briga.

Aquesta situacion n'a pas afectat la difusion sus internet 

(senon las copaduras internet costumèras... devudas au temps o  a la qualitat

de la linha a Puei de Lescar e que n'i a pro sovent - Mercés a Béarn Informatique de nse depanar quitament lo dimenge !)

Per astre per Ràdio País la tempèsta 2009 n'ei urosament pas estada la replica

de la de 1999 on tot lo materiau estó destrusit.

Despuish 1999 qu'avem podut eméter mercés a Emmaüs Pau-Lescar. 

Taus autes sites, qu'èm en trin de'n har lo torn.

Tot qu'a patit e los nostes tecnicians M. Greco e lo montaire d'antena que

son tanben hòrt sollicitats per d'autas ràdios e personas sinistradas.

Qu'esperam ua solidaritat de las collectivitats territoriaus.

Se jamei avèvatz informacions vos qui n'ètz pas luenh d'Aush, Miranda

o Aire s/Ador : qu'èm prenedors - podem pas estar pertot que sabem simplament que sus aquestes lòcs las antenas -

per aver botjat, estar de guingòi - non miaçan pas de càder per las òras a viéner.

Que seré temps de pensar per Ràdio País a ua difusion digna deu nom. Per aquò har :

qu'avem de nse hicar tots a l'entorn d'ua taula ! Mercés per las vòstas paciéncias e fidelitat. 

L'equipa de Ràdio País.

Quauques fotòs mei en léger la seguida.